Səndən fitva istəyirlər. De: “Valideyni və övladı olmayan kəsin barəsində fitvanı sizə Allah verir”. Əgər övladı olmayan şəxs öldükdə onun bacısı varsa, qoyub getdiyinin yarısı bacıya çatır. Əgər onun övladı yoxdursa, qardaşı ona varis olur. Əgər iki bacıdırsa, qoyub getdiyinin üçdə iki hissəsi onlara çatır. Əgər qardaş və bacılardırsa, kişiyə iki qadının payı qədər düşür. Allah bunu sizə bəyan edir ki, yoldan çıxmayasınız. Allah hər şeyi bilir.